Ölkəmizdə ən mühüm  sosial problemlərdən biri də nəqliyyat sahəsindəki çatışmamazlıqlardı.Əsasən metro və marşrut taksilərində rast gəlinən bu problemlərin həlli yolları üçün şikayət və təkliflərim var.Ya Allah deyib başlayaq:

1-ci hər birimiz marşrut taksilərinin və böyük avtobus sürücülərinin sərnişinlərlə kobud rəftarinin  hər gün şahidi oluruq.Mədəni və etik normalardan kənara çıxan sürücülərin sayı etiraf etmək çətin olsa da çoxdu.Sürücülər nalayiq söyüşlərdən istifadə edərək etik normaları pozurlar.Həm də çox əsəbidirlər.Belə halda qəza halları çoxala bilər.Təbii ki istisna sürücülər də  var, amma çox azdırlar.

2-ci  Heç bir sərnişin siqaret çəkmədiyi halda, sürücülər siqaret çəkir və bununla da tütün tüstüsündə 200-ə qədər insan orqanizminə  zərərli maddəni etrafa yayaraq  insanlarin sağlamlığına ziyan vururlar.Nəzərə almaq lazımdır ki, sərnişinlər arasında  ürək-damar , bronxial-astma xəstəliyindən əziyyət çəkənlər,allergiyası olanlar da ola bilər.Buna görə  də onların sağlamlıqları ilə oynamaq olmaz.

3-cü Oturacaqlarda əyləşən sərnişinlərdən əlavə marşrut taksilərinə və avtobuslara daha çox sərnişin götürürlər.Səbəbini soruşduqda isə planı verə bilmirik  deyirlər.Eyni zamanda dayanacaqlardan kənar saxlayaraq avtobuslara sərnişin götürürlər ki, bu da basa- bas yaradır.Xüsusilə də marşrut sürücülərinin MEHRİBANLAŞIN, MEHRİBAN OLUN ifadələrini eşidəndə mehribanlıq sözünə qarşı antipatiya yaranir.

Problemləri yazsam bitməz onun üçün da keçirəm təkliflərə:

1.Köhnə maşınların Bakı şəhərinə buraxılması qadağan olunmalıdı.Çünki ekoloji cəhətdən atmosferin korlanmasına səbəb olur.

2.Sürücülərə əhaliyə mədəni xidmət sahəsində maarifləndirmək üçün treyninqlər keçirilməlidir.

3.Marşrut taksiləri və avtobuslarını yalnız 10 ildən artıq sürücülük təcrübəsi olan şəxslərə həvalə etmək lazımdır.Cavan sürücülərə marşrut verilməməlidir.Onlar əhaliyə xidmətdən cox avtoşluq eləməyi sevirlər.Bu da müəyyən qədər insanın həyatının təhlükəyə atılması deməkdir.

4.Dayanacaqdan kənar marşrut saxlanılmamalıdır.

5.Nəqliyyat Nazirliyi marşrut taksilərinin icarə haqqını azaltmalıdır.

6.Ən yaralı yerim: marşrutlarda səslənən,əhalinin zövqünü korlayan bayağı mahnılar  yığışdırılmalıdır.

7.Taksilərə sayğac qoyulmalıdır ki,yalnız gedilən məsafənin pulu ödənilsin